Ditame do público do I CONCURSO O OLLO DE VIDRO

Os Equipos de Dinamización Lingüística da Escola Oficial de Idiomas e do IES Castelao e a Biblioteca Pública Xosé Neira Vilas, coa colaboración da Asociación de Veciños do Calvario e da Deputación de Pontevedra, convocaron o pasado mes de abril o concurso “O ollo de vidro”, dentro do proxecto Recoméndocheunlibro, unha canle en Youtube que ten como obxectivo a promoción da lectura, así como a visibilización e o emprego do galego como vehículo de comunicación nas redes sociais.

Premio do público

Con 203 “gústame”, o Premio do público é para Uxía Couselo Rodríguez e María Prieto Iglesias (alumnas do IES Castelao) pola súa recomendación do libro Cartas de Inverno, de Agustín Fernández Paz.